Je, unatafuta Namba ya NIDA (NIN)? Huduma hii ni muhimu sana kwa Watanzania wanaohitaji huduma za benki, kusajili laini za simu, pasipoti, na mikopo ya elimu ya juu. Makala hii itakuelekeza hatua kwa hatua jinsi ya kupata Namba ya Kitambulisho cha Taifa mtandaoni bila kulazimika kwenda ofisi za NIDA.

NIN (Namba ya NIDA) ni Nini?

NIN (National Identification Number) ni namba maalum ya kipekee inayotolewa na Mamlaka ya Vitambulisho vya Taifa (NIDA). Namba hii hutambulisha kila raia na mkazi halali wa Tanzania. Ni hitaji la msingi kupata Copy ya NIDA au kitambulisho halisi.

Tovuti Rasmi ya NIDA (NIDA Online)

Ili kuangalia namba yako, tumia tovuti rasmi ya NIDA Online Services. Hii ndiyo njia salama zaidi ya kupata taarifa zako:

Hatua za Kupata Namba ya NIDA

Unapohitaji kupata Namba ya Kitambulisho cha Taifa, hakikisha una taarifa zifuatazo:

• Majina Kamili: Jina la Kwanza na la Mwisho (kama ulivyoandika wakati wa usajili).
• Tarehe ya Kuzaliwa: Siku, Mwezi, na Mwaka (Mfano: 01-01-1990).
• Majina ya Wazazi: Jina la Kwanza na Mwisho la Mama yako mzazi.

Fuata hatua hizi rahisi:

1. Bonyeza kiungo cha NIDA Online hapo juu.
2. Jaza fomu inayotokea kwa usahihi.
3. Ingiza neno la uthibitisho (Captcha) ili kuthibitisha siyo roboti.
4. Bonyeza kitufe cha “Search” au “Tafuta”.
5. Kama taarifa ni sahihi, Namba yako ya NIDA (NIN) itaonekana hapo hapo.

Video ya Maelekezo: Jinsi ya Kupata NIN