Zana ya Kiotomatiki ya Ulinzi wa Virusi vya USB v3.0 | DeVine Vision Tech

Ulinzi wa Virusi vya USB v3.0

Suluhisho la kiotomatiki la kusafisha Flash Drives (USB), kurudisha mafaili yaliyofichwa, na kuzuia virusi vipya visiingie.

Kila mara unapochomeka Flash Drive yako kwenye kompyuta za watu wengine, upo kwenye hatari ya kupata virusi vinavyoficha mafaili na kutengeneza “Shortcuts”. Sisi DeVine Vision Tech tumekuandalia programu ndogo (Batch File) inayofanya kazi kwa ufanisi mkubwa kusafisha na kulinda Flash yako kiotomatiki.

ANGALIZO MUHIMU: Programu hii inahitaji kutumika kwa Mamlaka ya Msimamizi (Run as Administrator) ili iweze kufanya mabadiliko kwenye mfumo na kusafisha virusi vyote kwa kina.

Zana Hii Inafanya Kazi Gani?

1. Hufichua Mafaili Yaliyofichwa (Unhide Files)

Virusi vingi hubadilisha hadhi ya mafaili yako kuwa “System & Hidden”. Zana hii hutumia “attrib command” kuondoa vifungo hivyo na kurudisha mafaili yako yote yaonekane tena.

2. Hufuta Virusi Vinavyojulikana (Delete Malware)

Inatafuta na kufuta kwa nguvu (Force Delete) mafaili hatari yanayosambaza virusi yenyewe kama vile autorun.inf, Recycler.exe, copy.exe, na desktop.ini.exe.

3. Hutengeneza Kizuizi Imara (Immunization Trap)

Ili kuzuia virusi visiingie tena, programu hii hutengeneza faili gumu (Unbreakable Folder) linaloitwa autorun.inf ndani ya Flash yako. Kizuizi hiki huwazuia virusi kujinakili kwenye Flash yako katika siku za usoni.

Jinsi ya Kutumia (Hatua kwa Hatua)

Pakua Faili

Bofya kitufe cha kijani hapa chini kupakua faili la USB_Protect_v3.0.bat na ulihifadhi kwenye kompyuta yako (Mfano: Kwenye Desktop).

Chomeka USB Yako

Hakikisha Flash Drive yako inaonekana kwenye kompyuta (Unaweza kuweka Flash zaidi ya moja, programu itazitambua zote).

Run as Administrator

Bofya kulia (Right-click) kwenye lile faili ulilopakua, kisha chagua “Run as Administrator”. Kubali (Yes) ikiwa kompyuta itakuuliza ruhusa.

Subiri Ikamilishe

Utaona dirisha jeusi (Command Prompt) likifanya kazi. Likimaliza litakuambia “ZOEZI LIMEKAMILIKA” na litahifadhi ripoti (Log file) kwenye Desktop yako kukuonesha kilichofanyika.

Pakua Zana ya Ulinzi wa USB

Faili ni dogo sana na lipo tayari kwa matumizi. Dhibiti usalama wa taarifa zako sasa.

Download USB Protect (Link 1) Download USB Protect (Link 2)

Je, Kompyuta Yako Inasumbua?

Kama kompyuta yako imeshambuliwa sana na virusi hadi inakuwa nzito, au unashindwa kurudisha mafaili yako, wataalamu wetu wapo tayari kukusaidia kutatua tatizo lako moja kwa moja (Remote Support).

Chat Nasi WhatsApp Sasa